HERINNERINGE Mooi herinneringe is seker die naaste wat ons op aarde aan die volmaakte kan kom. So geniet ek dit in Novembermaand wanneer die uintjies reg is en die fynbos ruig staan. Om in die fynbos te stap, bring soveel vreugde. Ek ruik die bekende geure van die verskillende bosse en kruie. Die gesuis-gesang van die sonbesies, die blindevlieë en muggies wat effe plae. Ek dink terug aan dae op die plaas waar ek met ver gedagtes tussen my beeste gestap het.. Hulle het hulle baas geken en het my toegelaat om aan hulle te vat en te vryf. Ek dink terug aan die perde op die plaas en die reuk van salpeter wat so aan jou klere vasklou as jy moeg uit die saal gly en die nek van die rydier liggies aanraak om die dier die versekering te gee dat die dag se rut goed was. Het jy geweet, in die hiernamaals gaan daar ook herinneringe wees? Abraham antwoord die ryk man aan die verkeerde kant in die doderyk (Luk. 18:25): "Kind onthou ." Ja, in die doderyk en in die hel sal mense se geheue hulle nie in die steek laat nie, hulle sal nog steeds alles kan onthou. Ek sidder as ek dink aan die folterende gedagtes wat deur die gedagtes van diegene in die ewige verdoemenis sal gaan, in die besef hulle het al die mooi en goeie kanse van 'n leeftyd verspeel om hulle saak met God reg te maak! § Toe hulle na spesiale dienste genooi is, het hulle dit afgelag en gespot met die mense wat tog so ernstig is oor hulle Godsdiens. § In die ewige verdoemenis sal mense kerkdienste onthou toe die prediker so ernstig gepreek het en die gehoor as't ware gesmeek het om hulle hart vir Jesus te gee. § Hulle sal die mooi liedere onthou: "Saggies en teer is die roepstem van Jesus ." § Maar hulle sal ook onthou hoe hulle hul hartsdeur vir God gesluit het. Die pyn: "Ons het dit alles verag!" "Onthou dat jy die goeie dinge in jou lewe ontvang het ." (Luk. 16:25). Dit lyk my dit sal juis die herinneringe van die goeie dinge wees wat die marteling in die hel sal werk. Die ewigheid sal te kort wees vir mense om hulle te verknies by die herinnering aan die goeie dinge en kanse waarvan hulle nie van gebruik gemaak het nie.
Die ewige verdoemenis sal gevul wees o.a. met herinneringe. Die herinneringe wat veral soos ‘n marteling sal inwerk op die inwoners van die hel. Ons lees dit in Luk 16:25, Maar Abraham antwoord: Kind, onthou dat jy jou goeie dinge in jou lewe ontvang het, en so ook Lasarus die slegte. En nou word hy getroos, maar jy ly smarte.! Die goeie dinge wat mense sal folter is wat ons lees in Rom. 2:4 - "Of verag jy die rykdom van sy goedertierenheid en verdraagsaamheid en lankmoedigheid, omdat jy nie besef dat die goedertierenheid van God jou tot bekering wil lei nie?" Hierdie teks spreek van al die kanse en geleenthede wat God vir mense op aarde gee om hul te bekeer. God laat goeie dinge met mense gebeur sodat hulle kan besef hoe goed dat die Here vir hulle is, sodat hulle Hom wil dien. Maar wat 'n kwade dag wag diegene wat dit verag en nie daarvan gebruik gemaak het nie! Rom. 2:5 - "Maar ooreenkomstig jou verhardheid en onbekeerlike hart vergader jy vir jou toorn as 'n skat in die dag van die toorn en die openbaring van die regverdige oordeel van God." Hoe beter die kanse op aarde vir mense om hulle te bekeer, hoe erger sal daardie gedagtes folterend, martelend op diegene inwerk wat dit nie gedoen het nie. HERINNERINGE IN DIE HEMEL Aan die anderkant lyk dit vir my asof die gereddes in die hiernamaals nie geplae sal wees met die onaangename dinge wat hulle op die aarde beleef het nie, want ek lees in Jes. 65:17 wat verwys na die hemel - "En aan die vorige dinge sal nie gedink word en hulle sal in die hart nie opkom nie." So dikwels hoor ek dat mense wat die tragiese beleef het, hulle voorneem om eendag wanneer hulle met God verenig is deur die dood, al hulle kwel vrae aan die Here te stel. Maar met Jes. 65:17 in gedagte, sal daar nie gedink word aan die aardse onaangename dinge in die hemel nie. Die hemel is 'n plek van die volmaakte. Dus, hoe kan ons dan nog terugdink aan die stryd, negatiewe en die hartseer wat ons op aarde beleef het! Dit kan nie hemel wees waar alles volmaak is, as mense hulle nog moet verknies oor die tragiese uit die verlede. In die hemel sal ons so oorweldig word deur die skoonheid, heerlikheid, glansryke bekoorlikheid van die Here Jesus dat alle ander dinge daarteenoor sal vervaag en vergete wees! So terloops, ek en jy gaan mos ook hemel toe . of hoe?
Mooi herinneringe is seker die naaste wat ons op aarde aan die volmaakte kan kom. So geniet ek dit in Novembermaand wanneer die uintjies reg is en die fynbos ruig staan. Om in die fynbos te stap, bring soveel vreugde. Ek ruik die bekende geure van die verskillende bosse en kruie. Die gesuis-gesang van die sonbesies, die blindevlieë en muggies wat effe plae. Ek dink terug aan dae op die plaas waar ek met ver gedagtes tussen my beeste gestap het.. Hulle het hulle baas geken en het my toegelaat om aan hulle te vat en te vryf. Ek dink terug aan die perde op die plaas en die reuk van salpeter wat so aan jou klere vasklou as jy moeg uit die saal gly en die nek van die rydier liggies aanraak om die dier die versekering te gee dat die dag se rut goed was. Het jy geweet, in die hiernamaals gaan daar ook herinneringe wees? Abraham antwoord die ryk man aan die verkeerde kant in die doderyk (Luk. 18:25): "Kind onthou ." Ja, in die doderyk en in die hel sal mense se geheue hulle nie in die steek laat nie, hulle sal nog steeds alles kan onthou. Ek sidder as ek dink aan die folterende gedagtes wat deur die gedagtes van diegene in die ewige verdoemenis sal gaan, in die besef hulle het al die mooi en goeie kanse van 'n leeftyd verspeel om hulle saak met God reg te maak! § Toe hulle na spesiale dienste genooi is, het hulle dit afgelag en gespot met die mense wat tog so ernstig is oor hulle Godsdiens. § In die ewige verdoemenis sal mense kerkdienste onthou toe die prediker so ernstig gepreek het en die gehoor as't ware gesmeek het om hulle hart vir Jesus te gee. § Hulle sal die mooi liedere onthou: "Saggies en teer is die roepstem van Jesus ." § Maar hulle sal ook onthou hoe hulle hul hartsdeur vir God gesluit het. Die pyn: "Ons het dit alles verag!" "Onthou dat jy die goeie dinge in jou lewe ontvang het ." (Luk. 16:25). Dit lyk my dit sal juis die herinneringe van die goeie dinge wees wat die marteling in die hel sal werk. Die ewigheid sal te kort wees vir mense om hulle te verknies by die herinnering aan die goeie dinge en kanse waarvan hulle nie van gebruik gemaak het nie.
Die ewige verdoemenis sal gevul wees o.a. met herinneringe. Die herinneringe wat veral soos ‘n marteling sal inwerk op die inwoners van die hel. Ons lees dit in Luk 16:25, Maar Abraham antwoord: Kind, onthou dat jy jou goeie dinge in jou lewe ontvang het, en so ook Lasarus die slegte. En nou word hy getroos, maar jy ly smarte.! Die goeie dinge wat mense sal folter is wat ons lees in Rom. 2:4 - "Of verag jy die rykdom van sy goedertierenheid en verdraagsaamheid en lankmoedigheid, omdat jy nie besef dat die goedertierenheid van God jou tot bekering wil lei nie?" Hierdie teks spreek van al die kanse en geleenthede wat God vir mense op aarde gee om hul te bekeer. God laat goeie dinge met mense gebeur sodat hulle kan besef hoe goed dat die Here vir hulle is, sodat hulle Hom wil dien. Maar wat 'n kwade dag wag diegene wat dit verag en nie daarvan gebruik gemaak het nie! Rom. 2:5 - "Maar ooreenkomstig jou verhardheid en onbekeerlike hart vergader jy vir jou toorn as 'n skat in die dag van die toorn en die openbaring van die regverdige oordeel van God." Hoe beter die kanse op aarde vir mense om hulle te bekeer, hoe erger sal daardie gedagtes folterend, martelend op diegene inwerk wat dit nie gedoen het nie. HERINNERINGE IN DIE HEMEL Aan die anderkant lyk dit vir my asof die gereddes in die hiernamaals nie geplae sal wees met die onaangename dinge wat hulle op die aarde beleef het nie, want ek lees in Jes. 65:17 wat verwys na die hemel - "En aan die vorige dinge sal nie gedink word en hulle sal in die hart nie opkom nie." So dikwels hoor ek dat mense wat die tragiese beleef het, hulle voorneem om eendag wanneer hulle met God verenig is deur die dood, al hulle kwel vrae aan die Here te stel. Maar met Jes. 65:17 in gedagte, sal daar nie gedink word aan die aardse onaangename dinge in die hemel nie. Die hemel is 'n plek van die volmaakte. Dus, hoe kan ons dan nog terugdink aan die stryd, negatiewe en die hartseer wat ons op aarde beleef het! Dit kan nie hemel wees waar alles volmaak is, as mense hulle nog moet verknies oor die tragiese uit die verlede. In die hemel sal ons so oorweldig word deur die skoonheid, heerlikheid, glansryke bekoorlikheid van die Here Jesus dat alle ander dinge daarteenoor sal vervaag en vergete wees! So terloops, ek en jy gaan mos ook hemel toe . of hoe?

DIEN NÉT DIE HERE
Waarom wil ons dit so ingewikkeld maak? Waarom wil ons die antwoord so ver gaan soek, terwyl dit so eenvoudig en voor die handliggend is? Maak 'n studie vir jouself van die konings van Juda (Suidelike Ryk) en die tyd waarin hulle regeer het, dan is dit baie duidelik; die tydperk wat hulle God gedien het, was 'n tyd van voorspoed vir die Israeliete. Hulle het God se hulp en ondersteuning en beskerming telkens geniet. Maar sou daardie selfde koning later afvallig word, het dit met hulle begin sleg gaan. So, wat sê dit vir jou ...? Dien nét die Here! Wanneer daar 'n goddelose koning aan bewind was; het dit met hom en die volk oorwegend sleg gegaan. Die vyandelike nasies het hulle aangeval en hulle verslaaf. Daar was oproer en onbestendigheid. Op die ou end sterf die slegte koning dikwels 'n vroegtydige dood weens 'n ongeluk, oorlog, siekte of selfs 'n komplot teen hom. In 2 Kron. 14:2 lees ons bv. van koning Asa, 'n goeie koning: "En Asa het gedoen wat goed en reg was in die oë van die Here Sy God (nie eie oë)." Dan lees ons van Serag die Kusitiese koning wat teen Asa uittrek met 'n miljoen soldate! Asa se leër het slegs 580 000 getel (vers 8). Maar kyk nou wat doen die koning van Juda. 2 Kron. 14:11 - "En Asa het die Here sy God aangeroep en gesê: Here, niemand kan help soos U tussen die magtige en die kragtelose nie; help ons, Here onse God, want op U steun ons." En die gevolge (vers 12): "En die Here het die Kusiete voor Asa en Juda verslaan, en die Kusiete het gevlug." Is dit nie wonderlik nie! So maklik, so eenvoudig! Wat 'n droom vir elke land, gesin, besigheid, boerdery en huwelik wanneer hulle uitgangspunt is: Hier dien ons (nét) die Here! Dis prioriteit nommer een! · Stel jou voor die staatshoof van 'n land, doen wat Asa gedoen het toe die moeilikheid hulle bedreig. · In elke huis, roep die vader die Here aan saam met sy vrou en gesin. · In elke besigheid, roep die eienaar saam met sy werkers die Here aan. · Op elke plaas, roep die boer saam met sy werkers die Here aan; nie net in 'n krisis, maar elke dag. En die Here doen vir hulle presies dieselfde. Dien nét die Here! Waarlik dis die moeite werd om die Here te dien!

GEBED VERANDER DIE BIDDER
2 Kor. 3:18 - "En terwyl ons almal met onbedekte gesig soos in 'n spieël die heerlikheid van die Here aanskou, word ons van gedaante verander na dieselfde beeld, van heerlikheid tot heerlikheid, as deur die Here wat die Gees is."
Een van die groot waarhede wat ek deur die jare geleer het wat gebed betref, is nl. dat gebed verander die bidder. Deur gebed is die bidder op 'n spesiale manier verbind met die Here en ervaar 'n mens 'n spesiale teenwoordigheid van die Here wat andersins nie daar is nie. Wanneer ander dan kom met hulle gebedsversoeke en jy vir hulle intree, smaak jy net soveel voordeel, want in Sy teenwoordigheid is daar besig om te gebeur wat ons lees in 2 Kor. 3:18 - "En terwyl ons almal met onbedekte gesig soos in 'n spieël die heerlikheid van die Here aanskou, word ons van gedaante verander na dieselfde beeld, van heerlikheid tot heerlikheid, as deur die Here wat die Gees is." Hierdie vers sê dit duidelik; jy word soos die Een wat jy aanbid. Die meeste geestelik groei wat iemand kan ervaar, is dus op sy knieë (of enige posisie), besig om tot God te bid!
Gebed is nie beperk tot die Woensdagaand se biduur of tot jou persoonlike afsonderings tye in die privaatheid van jou binnekamer nie. Die Bybel moedig ons juis aan (1 Thess. 5:17): "Bid sonder ophou." Dus, my persoonlike ideaal is om voortdurend in 'n staat te wees waar ek in gesprek, biddende, dankseggende en lofprysende tot God verkeer. Toe my kinders nog klein was, was daar sekere dinge, wat ek net nie aan hulle kon toevertrou nie. Hulle kon dit nog nie hanteer het nie en sou hulleself daarmee verongeluk. Ek kon bv. nie die motor se sleutels vir hulle gee om 'n draai te gaan ry nie. Vandag is al drie my kinders uitstekende motor bestuurders en sal ek hulle enige tyd met my motor vertrou. En so is daar seker dinge op hierdie stadium van jou lewe wat God net nie aan jou kan toevertrou nie; al vra jy dit naarstiglik elke dag, omdat jy dit nog nie kan hanteer nie. Mag ek sê: Ons het nog nie genoeg gebid nie. Ons moet nog eers meer deur gebed in God se teenwoordigheid verander word, sodat ons op daardie plek kan kom dat God jou met daardie dinge in jou lewe kan vertrou. Hou dus op om te bid vir daardie wonders en tekens wat jy so graag wil doen. Kom maar net eers deur gebedswandel op daardie plek dat God onverhinderd deur jou kan vloei en die wonderwerke sal spontaan gebeur.

Deel die evangelie .............
Mark. 16:15 "Gaan die hele wêreld in en verkondig die evangelie aan die ganse mensdom."

Terwyl ek besig is om my skoene skoon te maak, tref die eenvoud maar effektiwiteit van die manier waarop die skoenpolitoer blikkie oopgemaak word my opnuut. Ek kyk na die werweltjie wat die dekseltjie oplig van die onderste gedeelte waarin die politoer is. Niks kon regtig deur die jare op hierdie metode verbeter of dit vervang nie, want dit bly steeds die beste metode. Ek het al ander ingewikkelde patente gesien, maar die skoenpolitoer blikkie se oopmaak meganisme bly die beste. ’n Houtwerk dosent op skool het gesê: "Die eenvoudigste ontwerp is altyd die beste ontwerp." Die boodskap van die evangelie is 'n eenvoudige boodskap. Almal kan dit verstaan. Dit het ook nie deur die jare verander nie. Dis 'n tydlose evangelie (evangelie beteken blye nuus of boodskap). In Mark. 16:15 sê die Here Jesus aan Sy dissipels: "Gaan die hele wêreld in en verkondig die evangelie aan die ganse mensdom." Vir een en almal geld dit: · Dit geld vir die Europeër; · Dit geld vir die inwoners van Suid- en Noord Amerika; · Dis dieselfde boodskap vir die Eskimo's · Vir Jood, Arabier en Suid-Arikaner, ens. geld hierdie een boodskap. Dis die boodskap wat red en wat jou hemel toe vat. Dis nie net 'n boodskap wat jou tot by die graf kan dra en daarna niks verder nie. Baie boeke en geskrifte se slimmigheid is bloot net op die hede van toepassing en vat jou net tot by die graf. Nee, die evangelie vat jou verder as die graf! Dit gaan alles oor die Een Persoon, die Een Naam: Jesus!!! Het jy al by Hom uit gekom? Dis al waaroor dit gaan. Jy hoef nie slim te wees nie. Jy hoef nie ryk te wees nie. Al het jy ál die kursusse wat daar in die teologie te bedink is gedoen en met lof geslaag, maar as jy nie in die proses by die Here Jesus uitgekom het nie; het jy niks! · Hy's die deur na die hemel (Joh. 10:9). · Die poort na die ewige lewe (Mat. 7:13). · Die weg die waarheid en die lewe is Hy (Joh. 14:6). · Niemand kom na die Vader behalwe deur Jesus (Joh. 14:6). Die mensdom steek die grens van hierdie opdrag oor wanneer ons diepste begeerte nie die dinge van God of ’n guns van God is nie, maar God self, dan tree ons oor die drumpel. Minder fokus op die self en meer fokus op God. Minder oor my en meer oor Hom. Moses het hierdie “smag” in sy hart gehad toe hy bid. “Wys my u glansrykheid, Bult U spiere. Laat my U veertreflikheid sien.”
Hierdie hunkering is ons hunkering. Ons leef in ’n sterwende liggaam, bly op ’n planeet wat besig is om te verval, en is omring deur ’n selfgesentreerde samelewing. Kanker, oorlog, siekte .........
Hierdie is nie geringe kwessies nie. Is my God ’n geringe God????? Nee nee nee!!! My God is die God van Moses en hierdie God sal ook my aangesig verhelder. Hierdie ontmoeting verander lewens ........ Ek wil uitroep ... “Here Jesus maak die lug swaar met u teenwoordigheid, maak dit mistig met u majesteit, skuif die gordyn van die hemel oop sodat ek net die glans van U heerlikheid kan gade slaan”
Dis nét maar Jesus!!! Dis Jesus en Jesus alleen!!!

Die wet van GELOOF

Johannes 11:40 Jesus sê vir haar: Het Ek nie vir jou gesê, as jy glo, sal jy die heerlikheid van God sien nie?
Hebreers 10:35-36 Werp dan julle vrymoedigheid, wat 'n groot beloning het, nie weg nie. Want julle het lydsaamheid nodig, om, nadat julle die wil van God gedoen het, die belofte te verkry.
Ek sit een aand hierdie week in ’n gedenkdiens. Hierdie gedenkdiens was vir een van die mooiste mense wat ek ken. Wat dit nog so merkwaardig maak is die feit dat hierdie persoon deur God gebruik was om sy koningkryk hier op aarde te bou. God het hom ook rentmeester gemaak van ’n pragrige gemeente wat hy met oorgawe bedien het. Hierdie jongman, slegs een en veertig jaar oud, het God kom haal vir verdere diens. ’n Mens besef skielik die betekenis van die teks “’n voorwerp vir besondere gebruik” Op my pad huistoe het Johannes 11:40 hier in my gedagte gemaal en ek het opnuut weer hierdie besondere mens waardeer en met dankbaarheid my oë opgehef en God dankie gesê dat Hy oor my pad, so ’n besondere mens gesit het. Hierdie mens het geloof uitgeleef en ander het by hom baie geleer deur onder andere, dit wat hulle gesien het
As ons kyk na God se handeling met die mens dan skree hierdie een stukkie woord, amper soos ’n wet, Johannes 11:40 “Het Ek nie vir jou gesê, as jy glo, sal jy die heerlikheid van God sien nie?” Dit is amper ’n vinger na al die Tomasse, of na almal wat bid en wonder. Dit laat mens weer opnuut besef dat die vra baie kragtiger is as die doen van mense. Dade wat by berou pas is een ding ............ geloof wat alles heelmaak is iets anders al is albei onontbeerlik. Die kleinste kind of die grootste sondaar wat vertrou op volkome verlossing kry dit, terwyl somtyds die grootste dissipel wat ’n bietjie twyfel het, dit kan misloop. Die gom wat my vasmaak aan Abba Vader, ........ geloof ......... Ek het tot die besef gekom dat geloof nie die venster is nie maar die sonskyn wat die hart verlig. Dit is nie die geopende hand nie maar die gawe daarin. Dit is nie die pyp nie maar die water daarin.......... so werk die wet van geloof (Amper soos swaartekrag) Dit is dus nie my eie geloof nie maar Christus in my hart, wat my suiwer en vasmaak aan die ewigheid. Matteus het my hart amper toegedruk toe ek die volgende teks lees: Matteus 13:58 “En Hy het daar vanweë hulle ongeloof nie baie kragtige dade gedoen nie.”
Ons moet besef dat ons op grond staan wat aan God behoort. Ons mag dit deur ongeloof verloor het maar ons kan dit deur geloof terugneem. Ons het die reg om dit terug te neem. Die neem vereis my volle oorgawe. Hierdie oorgawe moet meer intens wees as die teenkanting. Satan is ’n gedugte vyand en gee nie maklik prys nie. Moet nie vir een oomblik dink hierdie vuilbaard sal onderhandel en kompromie met jou sluit nie. Hy is die outeur van die leun. Gebed moet volhardend wees wat die neem so volhardend maak as die vyand se hardnekkigheid om dit terug te gee, en dan ...... nog ‘n bietjie meer. DIT IS HIER WAAR DIE GEVEG BEGIN.
Johannes 11:40 Het Ek nie vir jou gesê, as jy glo, sal jy die heerlikheid van God sien nie?

As Pappa Vader 'n briefie sou skryf

Kind van My hart, het jy geweet om positief te dink tot ‘n positiewe lewe lei?? Die teenoorgestelde is ook waar, dink negatief dan word jy negatief. Gedagtes vol hoop en geloof is beslis positiewe gedagtes, terwyl die negatiewe kant vrees en twyfel weerspieel.
Maar weet jy My kind baie is so bang om te hoop omdat hulle so baie keer in die verlede seergekry het. Teleurstelling en ontnugtering het hulle afgeskrik van hoop, en daarom hoop hulle glad nie, dan is daar mos minder kans vir teleurstelling. Dit word ‘n soort van ‘n verdedigings meganisme om weg te kom van hoop af.
Kind van My hart sien jy nou waarom daar soveel negatiewe kinders rondloop. Kinders wat opgegee het om te hoop en totaal verval in ‘n negatiewe lewensstyl. Kinders,............ My kinders begin vir hulle self se “As ons niks goed van die lewe verwag nie, is jy nie teleurgesteld as niks goed gebeur nie”
My kind Ek wil nie hiermee se dat alles sal presies reg en goed wees as jy ‘n positiewe gesindheid het nie ……… nee jy weet nie My wil met jou nie en daar is redes daarvoor wat jy eendag sal verstaan.
Hoop op My kind van My hart, en weet dat goeie dinge hieruit sal kom. Ek het dit in My word aan jou so belowe
Die groot verskil le daarin dat ‘n positiewe mens die lewe geniet selfs al is daar ‘n paar steiltes en klippe in die pad. Negatiewe mense sien die klippe en steiltes raak en tel hulle om boek te hou oor al die stampe en stote. Positiewe mense gebruik die klippe om vas te trap en die steiltes te oorwin!
Hoop My kind, is die ankerplek van jou siel. Positiwiteit bring jou elke dag nader aan My, jou gedagtes kan jou lewens-siening verander deur net positief te bly. Sit ‘n wag voor jou mond, en rig jou oe op die mooi dinge. Laat los die stofkolle, vuil plekke en kyk na My werke. Hulle is daar vir jou, geniet dit.

Altyd lief vir jou

Pappa Vader

Vandag gaan ek ‘n verskil maak

Mens is ’n produk van wat jy dink. Sou ek gelukkig wou wees, dan vul ek my gedagtes, my denke met geluk en hoop.
My besluit vandag:
Ek weier dat die wereld my onder hou. Skinder en negatiewe dinge bly ek ver van weg, en positiwiteit en oorwinnings is my metgesel. VANDAG GAAN EK ’N VERSKIL MAAK.
Ek besef tyd is kosbaar, daarom is die volgende 24 uur gevul met dankbaarheid. Al die tyd tot my beskikking sal vry van selfbejammering, verveligheid en bekommernis wees. NUWE DAG HIER KOM EK MET DIE VREUGDE VAN ’N KIND EN DIE MOED VAN ’N REUS. Elke oomblik sal ek indrink asof dit my laaste is en oomblik vir oomblik benut, liefhe en liefde gee.
Alle mislukkings van die verlede is by die verlede al sit daar ’n paar letsels. Ek krap nie in die rommelhoop rond en soek vir moontlike dinge wat ek kan verander nie. Ek sal hulle erken, ek sal hulle regmaak en nie weer dieselfde paaie loop nie. Alles is by gister. Geen mislukking is die einde van die wereld nie. Dit maak nie saak as ek struikel nie, dit maak nie saak as ek misluk nie, ek sal weer probeer. VANDAG GAAN EK ’N VERSKIL MAAK.
Ek besef dat mens die wereld kan besit en arm wees aan liefde. Ek gaan diegene wat naby aan my hart is ’n dubbel porsie liefde gee ..................... “want God is liefde” Hy wat in my is, is groter as die wereld. Ek besef dat om liefde te gee, is om God te deel.

Gebed is God in aksie

O om u werktuig te wees o God
Soos Paulus vir die heidene
Soos Fillipus vir die ontmande Etiopier
Soos Jesus vir die wereld
........ om U werktuig te wees

Om te wees soos ’n skalpel in die hande van ’n chirug
.......wat genees en herstel
Om te wees soos ’n ploeg in die verweerde hande van ’n boer
.......wat saai en versorg

Dit my God is my gebed
Haal my uit die vuur
Vorm my elke uur
Verander my met u hande

Stuur U engele om oor my te waak
Want Vader ......... vandag gaan ek ’n verskil maak